Mandira ki umar mahaj saat saal the,jab us ke pita ka nidhan
hua tha.pariwar mai us ki maa ke
elawa ak chota bhai tha..pawan..umar mahaj panch saal.garibi se jhugta hua yeh
pariwar…jaha pita majduri karte the aur maa gharo mai bartan maaj kar pariwar
chalati the..do waqt ki roti ka jugar karte karte,mata pita ke samne apne dono
baccho ke liye sapne itne utche the,ki shayad aise sapne kisi samrith pariwar
ne hi apni aulad ke liye dekhe ho.un ko pura karne ke liye pita din mai majduri
karte aur raat ko chokidaari ki noukri karte.par itne kaam ki thakaan ka itna
bhogh…pita ka sahrir sah nahi paya aur akdum jo morchit ho kar gire,to hosh mai
nahi aaye.us din ko yaad kar ke mandira ki ankhe bhar aaye.chote bhai ko sota
dekh kar holey se use pyar kiya,phir maa ko dekha,jis ki ankho ke ansu abhi
thame nahi the.kahne ko mandira khud bhi bacchi thi,par kahte hai na ki garibi
ki aur dukho ki maar waqt se pahle baccho ko bara kar deti hai..
Mandira
ne khud ko bhula kar ak nirney liya ki who bhi maa ki tarah logo ke gharo mai
kaam kare ge.ghar chalane mai maa ki madad bhi hogi aur bhai ki bhvishaya waisa
hi banai ge,jaisa maa pita jee ne socha tha.nanhi se jaan yeh bhi jaan gaye thi
ki jeewan ka yeh lakshaye hasil karna asaan nahi hai.par jab darah nishaye ho
to har namumkin ko mumkin banaya ja sakta hai.garibi aur dukho ki maar ne
mandira ko mehnati aur bahadur banne par majbur kar diya.
Maa ke
behad mana karne par bhi,mandira ne kaam karna jaruri samjaha.maa jaha kaam
kari thi,usi ke sath wale ghar mai teen baccho ka pariwaar tha.jaha do saal ke
bacche ki dekh bhal ke liye kisi ladki ki jarurat thi.baki ke dono baccho ko
tution parane teacher aate the.mandira ne bacche ko bakhubi sambhala.us ki
kabiliyat se khush ho kar maalkin ne us ko bhi khali waqt mai parne ke liye
prerit kiya.mandira apne tej dimag ki wajah se sub sikh jati.par us ke jeewan
ka laksahye apne sath sath apne chote bhai ko bhi shikshit karna tha,ghar aa
kar pawan ko parati.sath hi use mata pita ke sapne ko pura karne ka nishchai
bhi batati..dhirey dhirey pawan bhi bahan ke kahe anusar parai mai dhayan dene
laga.par kya sapne purey kar pana itna asaan hota hai,who bhi itni garibi
mai…..bahut hi himmat kar ke mandira ne apni malkin ko bataya ki kaise us ke
pita hum dono baccho ko uche pad par dekhna chae the.who un ka mahan sapna
tha…..par mai akeli kya kar sakti hu ???? maalkin divya bahut nek aurat thi…who
mandira mai,us ke bhai mai apne hi baccho ka hi roop dekhti thi.unho ne mandira
se wada kiya ki who us ke aur pawan ke liye har bharpur madad aur koshish kare
ge..maa khush the ki un ke naseeb mai jo kuch bura tha……who ab ak nek aulad ke
roop mai……mandira—pawan the divya ki madad,sahare aur hoasley ne dono baccho ko
schooli shiksha dilaye.maa un ki kartagya thi…
Jaise jaise waqt chalta gaya,mandira aur
pawan awwal aate rahe.apni khud ki mehnat se un dono ne apne mata pita ka naam
roshan kiya.sochalarship ki madad se dono aage ki parai puri karte gaye.mandira
apni malkin divya ko ak maa jaisa sammaan deti thi.aur divya ne bhi un dono ko
kisi bhi tarah paraya nahi samjaha.who dono un ka garur the…divya ki
mehnat,mandira ka pyar dular,,en sub ne pawan ko itna kabil bana diya ki sarkar
ne us ko aage ki parai ke liye videsh bheja..pawan apni malkin,apni maa aur apni
bahan ke es balidaan ko mahsus karta tha.teen saal baad jab who apni parai puri
kar ke louta to maa us ko pahchan nahi paye.ak khubsurat insaan louta tha,,ak
khubsurat seerat ke sath.par pawan maa ke diye sanskaaro ko nahi bhula tha.us
ne apni maa aur apni malkin ke charan saparsh kar ke apni maa ka beta hone ka
sabut de diya..mandira aur divya ke chare ki chamak un ki mehnat ko darsha rahi
thi…
Kahte hai
na ki jab tak here ko gisha na jaye tab tak who sirf ak pathar kahlata hai.par
pawan to ab ak tarasha hua heera tha,jis ki chamak ko dur dur tak phalna
tha..maa ne apne aur apne pati ke sapno ko pura hote dekh kar santosh ki sans
lee.mandira ko to jaise pankh lag gaye,jab divya ne bataya ki pawan ko videshi
company mai ak bahut unche pad ke liye select kar liya gaya hai..aaj apne aur
pati ke sapno ko uddan bharte dekh kar maa bahut hi khush thiaur es liye bhi ki
pawan aaj itna subb mil jane par yah nahi bhula tha ki yeh sub us ko us ki maa
ki duao ,divya malkin ki mehnat aur apni bahan mandira ki wajah se mila
hai…..pawan ne apne pita ki tasvir kea age parnaam kiya….aur ak baar phir maa
ke kadmo se lipat gaya..aur dua lene ke liye……